კომენტარი
დამოუკიდებლად რუსეთთან და რუსეთის პრობლემასთან გამკლავება არ შეგვიძლია - თამარ ჩუგოშვილი
ოკუპირებული სამხრეთ ოსეთის ე.წ. მარიონეტული ხელისუფლება სინამდვილეში ასრულებს იმას, რაც არის რუსეთის სურვილი, - განუცხადა ჟურნალისტებს პარლამენტის პირველმა ვიცე-სპიკერმა, თამარ ჩუგოშვილმა ე.წ. სამხრეთ ოსეთის ,,პარლამენტის’’ სპიკერის ანატოლი ბიბილოვის იმ განცხადების კომენტირებისას, რომლის თანახმადაც, „სამხრეთ ოსეთის რუსეთის შემადგენლობაში შესვლის თაობაზე რეფერენდუმი საპრეზიდენტო არჩევნების შემდეგ გაიმართება.“
”ჩვენი ქვეყნის მხარდამჭერი ის რეზოლუციები და საერთაშორისო მხარდაჭერის მობილიზაცია ზუსტად იმიტომ არის მნიშვნელოვანი რომ ჩვენ მარტო, დამოუკიდებლად რუსეთთან და რუსეთის პრობლემასთან გამკლავება არ შეგვიძლია. ჩვენ გვჭირდება მეგობარი სახლმწიფოების მხარდაჭერა, რომ ამ გამოწვევებს გავუმკლავდეთ. გაერო-ს რეზოლუციის მიღებაც მაშინ, როდესაც რუსეთი აგრძელებს ანექსიის მიმართულებით ნაბიჯების გადადგმას, სწორედ ახლა ამიტომ არის მნიშვნელოვანი. ზუსტად იმ მოცემულობაში, როდესაც რუსეთი ცდილობს იქ რეფერენდუმის გამართვას, არის მნიშვნელოვანი ასეთი ტიპის მხარდაჭერა”, - განაცხადა თამარ ჩუგოშვილმა.
პარლამენტის ვიცე-სპიკერმა კომენტარი გააკეთა საოკუპაციო ხაზთან ადამიანების გატაცებასთან დაკავშირებით.
მისი შეფასებით, სამწუხაროდ, ასეთი ფაქტები ხდებოდა და ხდება.
” ჩემთვის რამდენადაც ცნობილია დაკავების ვადა არის მნიშვნელოვნად შემცირებული. ჩვენ სწრაფად და ეფექტიანად ვახერხებთ ხალხის გამოხსნას, როცა ასეთი პატიმრობები თვეები გრძელდებოდა. ახლა ეს ასე არ ხდება, თუმცა ძალიან სერიოზული პრობლემაა, როცა ადამიანების უსაფრთხოება ოკუპაციის ხაზთან არ არის ბოლომდე უზრუნველყოფილი”, - აღნიშნა ჩუგოშვილმა.
ცნობისათვის - ე.წ. სამხრეთ ოსეთში „საპრეზიდენტო არჩევნები“ მიმდინარე წლის 9 აპრილს გაიმართება.
ნინო ექვთიმიშვილი
საკვანძო სიტყვები:
მიხეილ სააკაშვილი ირაკლი ოქრუაშვილზე: როგორც ჩანს თავის დროზე რაღაც აწყენინა რუსებს, ახლა კი იმყოფება ჩემს ახლოს საკანში
20 ნოემბერი, 2025 , 15:43
ის, რაც ხდება ბოლო 2 დღის განმავლობაში ფეხბურთის გარშემო, მეტყველებს იმ სიბნელეზე, რაც სუფევს ამ ლიბერალურ ფაშისტებში, რადიკალურ ოპოზიციაში - ირაკლი კობახიძე
20 ნოემბერი, 2025 , 11:42
პრემიერი მარტა კოსის განცხადებაზე: ევროპულ ბიუროკრატიაში პირდაპირ აღიარეს, რომ ეძებენ შავ არხებს ფულის გადმოსარიცხად, როცა შავ არხებს ეძებ, განზრახვაც შავი გაქვს, სახელმწიფო ბოლომდე ეცდება საკუთარი ინტერესების დაცვას
20 ნოემბერი, 2025 , 09:46
კოლექტიური კუბილიუსები ვერ ეღირსებიან ხელისუფლებაში „კოლექტიური ნაცმოძრაობის“ დაბრუნებას, ამის პირობას ვიძლევით ჩვენ - ირაკლი კობახიძე
20 ნოემბერი, 2025 , 09:13
ირაკლი კობახიძე საქართველო-ევროკავშირის დიალოგის გაუქმებაზე: როგორ შეიძლება, რომელიღაც თანამდებობის პირის გამო ჩაშალო დიალოგი ადამიანის უფლებებთან დაკავშირებით, ჭირივით ეშინიათ დიალოგის, ეს არის საბჭოური მიდგომა, მოქმედებენ, როგორც საკავშირო ხელისუფლება
20 ნოემბერი, 2025 , 09:09
ვინც არ უნდა იყოს ხვალ საქართველოს ლეგიტიმური პრეზიდენტი, დარწმუნებული ვარ, მზიას მიენიჭება ბრწყინვალების ორდენი, მადლობა მზია, მაგალითად რომ მოგვევლინეთ - სალომე ზურაბიშვილი
18 ნოემბერი, 2025 , 15:42
