სამართალი

დავით როსტომაშვილის ვაჟი სასამართლო დარბაზიდან გათავისუფლდა

მსახიობ დავით როსტომაშვილის ვაჟი, ბრალდებული გიორგი როსტომაშვილი და კიდევ ერთი ბრალდებული ნიკოლოზ მჭედლიანი პატიმრობიდან გათავისუფლდნენ.

გადაწყვეტილება თბილისის საქალაქო სასამართლოში დღეს გამოცხადდა. ორივე ბრალდებული სასამართლოს დარბაზიდან გათავისუფლდა.

შეგახსენებთ, რომ გიორგი როსტომაშვილს და ნიკოლოზ მჭედლიანს ბრალი ქურდობასა და ყაჩაღობაში, ასევე ცეცხლსასროლი იარაღის მართლსაწინააღმდეგო ტარებაში ედებოდათ.

საქმე ეხება მიმდინარე წლის მარტის თვეში თბილისში დაფიქსირებულ ყაჩაღობის ფაქტს, რა დროსაც ბიზნესმენ ლევან შინდელაშვილს იარაღის მუქარით ავტომანქანა და ძვირადღირებული ნივთები მოსტაცეს.

ნინო ექვთიმიშვილი