პოლიტიკა

დღეიდან კონსტიტუციის საერთო სახალხო განხილვა იწყება

კონსტიტუციის საერთო სახალხო განხილვა დღეიდან იწყება. ქუთაისის მესხიშვილის სახელობის თეატრში მოქალაქეებმა დილიდან დაიწყეს შეკრება.

ქუთაისის მცხოვრებლების გარდა თეატრში მივიდნენ სხვადასხვა რეგიონიდან ჩამოსული ადამიანებიც. მათი თქმით, სხვადასხვა შინაარსის შეკითხვების დასმას გეგმავენ, ერთ-ერთი მთავარი კითხვა კი პარლამენტის ადგილსამყოფელის საკითხია.

ისინი ფიქრობენ, რომ ხელისუფლებამ მათი აზრი უნდა გაითვალისწინოს და პარლამენტი ქუთაისში დატოვოს.

უმრავლესობის წევრებთან ერთად კონსტიტუციაში შესატან ცვლილებებზე საკუთარ პოზიციას ხალხს "ევროპული საქართველოც" გააცნობს.

პარალელურად დაგეგმილია აქცია თეატრის ეზოში, აქციის მონაწილეები პარლამენტის ქუთაისში დატოვებას მოითხოვენ.

ნინო ექვთიმიშვილი