საზოგადოება

დღეს „ბავშვთა სამყაროს“ დაზარალებულ მოვაჭრეთა სოლიდარობის აქცია გაიმართება

დღეს 18:00 საათზე მოქალაქეები „ბავშვთა სამყაროს“ დაზარალებულ მოვაჭრეთა სოლიდარობის აქციას გამართავენ.

,,29 იანვრის ღამეს გაჩენილმა ხანძარმა უამრავ ოჯახს მოუსპო საარსებო მინიმუმი, მოვაჭრეები საკუთარი თვალით უყურებდნენ როგორ იწვოდა მათი და მათი შვილების მომავალი. ხანძრის ჩაქრობა ვერაფრით ვერ მოხერხდა 24-ზე მეტი საათის განმავლობაში, ამიტომ თუ სახელმწიფომ ვერ მოახერხა საკუთარი მოქალაქეების ელემენტარული კეთილდღეობის დაცვა მოვითხოვთ სრული პასუხისმგელობის აღებას შედეგზე! მოვითხოვთ მოვაჭრეებისთვის ზარალის ანაზღაურებას და ალტერნატიული სავაჭრო სივრცის შექმნას მათთვის!

1 თებერვალს, საღამოს 6 საათზე, გელოდებით ბავშვთა სამყაროსთან. სოლიდარობა ხანძრით დაზარალებულ მოვაჭრეებს!’’ - ნათქვამია აქციის ორგანიზატორთა განცხადებაში.

ნინო ექვთიმიშვილი