კომენტარი

დღეს ჩვენს ქვეყანაში გაიმარჯვა დემოკრატიამ - გიორგი კვირიკაშვილი

საქართველოს პრემიერ-მინისტრმა მოსახლოებას საპარლამენტო არცევნების წარმატებით დასრულება მიულოცა.

გიორგი კვირიკაშვილის თქმით, ეს არის ქართველი ხალხის და ქართული სახელმწიფოს გამარჯვება.
ამის შესახებ კვირიკაშვილმა ბრიფინგზე განაცხადა.

„მინდა ყველას მოგილოცოთ საპარლამენტო არჩევნების წარმატებით დასრულება. დღეს ჩვენს ქვეყანაში გაიმარჯვა დემოკრატიამ . ეს არის ქართველი ხალხის, ქართული სახელმწიფოს გამარჯვება. ჩვენმა ქვეყანამ კიდევ ერთი ნაბიჯი გადადგა წინ უკეთესი მომავლისკენ, განვითარებისა და კეთილდღეობისკენ. ყველა შეფასებით, 2016 წლის საპარლამენტო არჩევნები იყო სამართლიანი, თავისუფალი, გამჭვირვალე და დემოკრატიული. დიდი მადლობა იმ მაღალი ნდობისთვის, რომელიც ჩვენს პოლიტიკურ გუნდს გამოუცხადეთ. ეს პირადად ჩემთვის და „ქართული ოცნებისთვის“ ,ჩვენი გუნდის ყველა წევრისთვის არის უდიდესი პასუხისმგებლობა. მე მჯერა, რომ ჩვენ ღირსეულად გავართმევთ თავს ამ მოვალეობებს და ქვეყანას განვითარების სრულიად ახალ ეტაპზე გადავიყვანთ“, - განაცხადა კვირიკაშვილმა.

მონიკა დავლიანიძე