მსოფლიო

დღეს ხელისუფლება ცდილობს რაღაც ხვრელების ამოვსებას, რომ ნავი წყლით არ აივსოს - დავით უსუფაშვილი

„შენების მოძრაობის“ დამფუძნებელმა დავით უსუფაშვილმა სამთავრობო ცვლილებების შეფასებისას განაცხადა, რომ რაც 6 წელიწადში ვერ გაკეთდა, ის 2 წელიწადში ვეღარ მოესწრება, მით უმეტეს იმ ვითარებაში, როცა 2012 წლისგან განსხვავებით დღეს ენთუზიაზმი, შემართება და მუხტი არის გაცილებით დაბალი.

პოლიტიკოსის თქმით, მმართველი გუნდის მთავარი ამოცანა უნდა იყოს ქვეყანაში სტაბილურობის შენარჩუნება 2020 წლის საპარლამენტო არჩევნების სამართლიანად ჩატარებისთვის.

„დღეს ხელისუფლება ცდილობს რაღაც ხვრელების ამოვსებას, რომ ნავი წყლით არ აივსოს. თუ ახლა ვინმე მიზნად დაისახავს, რომ ორ წელიწადში ჯადოსნური ჯოხით სასწაული მოახდინოს, ეს ვერ მოხდება. საჭიროა, ხელისუფლებას ჰქონდეს რეალისტური, ზომიერი და მიღწევადი ამოცანები. ეს ამოცანებია სტაბილურობის შენარჩუნება 2020 წელს სამართლიანი არჩევნების ჩასატარებლად“, - განაცხადა უსუფაშვილმა.