მსოფლიო

დიდ ბრიტანეთს შეუძლია, ცალმხრივად უარი თქვას Brexit-ზე - ევროკავშირის სასამართლო

ევროკავშირის სასამართლოს გადაწყვეტილებით, დიდ ბრიტანეთს ცალმხრივად შეუძლია, გააუქმოს გადაწყვეტილება ევროკავშირიდან გასვლის (ანუ, Brexit-ის) შესახებ.

გადაწყვეტილების თანახმად, ევროკავშირიდან გასვლის თაობაზე უარის თქმისთვის ლონდონს არ დასჭირდება ევროკავშირის დანარჩენი 27 წევრი ქვეყნის თანხმობა.

გადაწყვეტილების გაუქმება დიდ ბრიტანეთს შეუძლია იქამდე, სანამ ძალაში არ შევა ევროკავშირსა და გაერთიანებულ სამეფოს შორის შეთანხმება, რომლის თანახმად გაერთიანებული სამეფო ევროკავშირის რიგებს დატოვებს.

ცნობისთვის, დიდი ბრიტანეთის ევროკავშირიდან ოფიციალურად გასვლა 2019 წლის 29 მარტისთვისაა დაგეგმილი, რის შემდეგაც გარდამავალი პერიოდი დაიწყება, რომელიც 2020 წლის ბოლომდე გასტანს