საზოგადოება

ჯანდაცვის სისტემაში კრიტიკულად მნიშვნელოვანია პირველადი ჯანდაცვის რგოლი - მიხეილ სარჯველაძე

ჯანდაცვის სისტემაში კრიტიკულად მნიშვნელოვანია პირველადი ჯანდაცვის რგოლი, რათა სწორად ხორციელდებოდეს და ვითარდებოდეს ნებისმიერი სხვა მიმართულება, – განაცხადა ჯანდაცვის მინისტრმა, მიხეილ სარჯველაძემ ღონისძიებაზე, რომელსაც სამედიცინო სფეროსა და კერძო სექტორის წარმომადგენლები ესწრებოდნენ.

ჯანდაცვის სამინისტროს ინფორმაციით, შეხვედრაზე კომპანია „ევექსმა“ განახლებული სტრატეგია წარადგინა, რომელიც პირველად ჯანდაცვაში პრევენციული მედიცინის განვითარებას და ცხოვრების ჯანსაღი წესის მხარდაჭერას გულისხმობს.

ღონისძიება ჯანდაცვის მინისტრმა გახსნა. მიხეილ სარჯველაძის განცხადებით, პირველად ჯანდაცვის საფეხურზე მნიშვნელოვანია პრევენციული მედიცინის ხელშეწყობა, რაც დროული დიაგნოსტიკისა და, შესაბამისად, უფრო ეფექტური მკურნალობის შესაძლებლობას იძლევა.