არქივი
კომენტარი
ჯანი ბუკიკიომ გამოთქვა მზადყოფნა, რომ დაგვეხმარება ოპოზიციასთან კონსენსუსის მიღწევაში - მამუკა მდინარაძე
ფრაქცია „ქართული ოცნების“ თავმჯდომარე მამუკა მდინარაძე მიიჩნევს, რომ ვენეციის კომისიის თავმჯდომარის დახმარებით შესაძლებელია გარკვეული კონსენსუსის მიღწევა ოპოზიციასთან, ან თავად ვენეციის კომისიის თავმჯდომარე დარწმუნდება იმაში, რომ შეთანხმების მიღწევა ოპონენტებთან შეუძლებელია.
„ჯანი ბუკიკიომ გამოთქვა მზადყოფნა, რომ დაგვეხმარება ოპოზიციასთან კონსენსუსის მიღწევაში. რჩება ორი ვარიანტი, - ის დაარწმუნებს ოპოზიციას, რომ ეს არის შეუდარებლად კარგი დოკუმენტი ან თვითონაც დარწმუნდება, რომ ჩვენს ოპონენტებთან, რომლებიც სუბიექტურად უდგებოდნენ ამ საკითხს, კონსენსუსის მიღწევა არის შეუძლებელი.
საბოლოო ჯამში მთავარია, რომ ჩვენ გვაქვს პროგრესული კონსტიტუცია, რომელიც ბატონი ჯანი ბუკიკიოს და ვენეციის კომისიის ექსპერტების მიერ იქნა მოწონებული“, - განაცხადა მამუკა მდინარაძემ.
ნინო ექვთიმიშვილი