სამართალი

ჯანმრთელობის გაუარესების გამო, ოთარ აბესაძის საქმეზე სასამართლო პროცესი გადაიდო

თბილისის საქალაქო სასამართლოში მერიის თანამშრომლის, ოთარ აბესაძის საქმეზე სასამართლო პროცესი გადაიდო.

პროცესი 1 ნოემბრამდე გადაიდო.

ოთარ აბესაძის ადვოკატის ირმა ჭკადუას თქმით, პროცესის გადადების მიზეზი მისი დაცვის ქვეშ მყოფის ჯანმრთელობის მდგომარეობა გახდა.

ჭკადუას განცხადებით, ოთარ აბესაძესთან ფსიქოლოგები მუშაობენ.

„ოთარ აბესაძის ჯანმრთელობის მდგომარეობიდან გამომდინარე დღევანდელი სხდომა არ გაიმართება. მასთან მუშაობენ ფსიქოლოგები. პროცესი გადაიდო 1 ნოემბრამდე. იმედს ვიტოვებთ, რომ მანამდე ექსპერტიზის ახალი დასკვნა იქნება მზად და შემდეგ სასამართლო იმსჯელებს მისი აღკვეთის ღონისძიების გადადებაზე“,- განმარტა ადვოკატმა.

სუს-მა ქრთამის აღების ფაქტზე ოთარ აბესაძე 12 ივლისს დააკავა.

გამოძიებამ დაადგინა, რომ 2017 წლის მაისში ოთარ აბესაძე საქართველოს მოქალაქეებს მდინარე მტკვარზე, ტივზე არსებული კაფის და შესაბამისი ინფრასტრუქტურის მოწყობისათვის საჭირო ნებართვების თბილისის მერიის სხვადასხვა სამსახურებიდან დაჩქარებული წესით აღებაში დახმარებას დაჰპირდა, რის სანაცვლოდაც, ქრთამის სახით, 3 ატასი აშშ დოლარის გადახდა მოითხოვა.

გამოძიება სსკ-ის 338-ე მუხლის პირველი ნაწილით დაიწყო, რაც სასჯელის სახით ექვსიდან ცხრა წლამდე თავისუფლების აღკვეთას ითვალისწინებს.

მონიკა დავლიანიძე

საკვანძო სიტყვები:

დაკავებულია აქციის 20-მდე მონაწილე

22 ოქტომბერი, 2025 , 22:20

ადმინისტრაციული წესით დაკავებულია აქციის 20-მდე მონაწილე, ვინც უშუალოდ მონაწილეობდა გზის უკანონოდ გადაკეტვის მცდელობაში, - ამის შესახებ ინფორმაციას შსს ავრცელებს. რაც შეეხება ახალგაზრდა ქალს, რომელიც პოლიციის ავტომა

ყოფილი პრემიერ-მინისტრი ირაკლი ღარიბაშვილი გამოიკითხა, აღიარა წლების განმავლობაში უკანონო შემოსავლების მიღების ფაქტი - სუს-ი

22 ოქტომბერი, 2025 , 19:30

სუს-ის ანტიკორუფციულ სააგენტოში ყოფილი პრემიერ-მინისტრი ირაკლი ღარიბაშვილი გამოიკითხა. ამის შესახებ სუს-ში გამართულ ბრიფინგზე ანტიკორუფციული სააგენტოს დირექტორმა, ემზარ გაგნიძემ განაცხად ანტიკორუფციული საა