სამართალი

ჯავახიშვილის ქუჩაზე დაჭრილი ახალგაზრდა მამაკაცი გარდაიცვალა

ჯავახიშვილის ქუჩაზე დაჭრილი ახალგაზრდა მამაკაცი გარდაიცვალა. შემთხვევა გუშინ საღამოს მოხდა.

გავრცელებული ინფორმაციით, ავტომობილში მჯდომ 26 წლის მამაკაცს რამდენჯერმე ესროლეს.

ის მძიმე მდგომარეობაში იმყოფებოდა და მრავლობითი ჭრილობებით ინგოროყვას სახელობის კლინიკაში გადაიყვანეს. თუმცა, მისი გადარჩენა ვერ მოხერხდა.

როგორც რუსთავი 2-თან საუბარში თვითმხილველები ამბობენ, მამაკაცი მანქანით გადაადგილდებოდა, როდესაც მას რამდენჯერმე ესროლეს. გარდაცვლილი ჯავახიშვილის ქუჩის მცხოვრებია და ის სახლში ბრუნდებოდა.