მსოფლიო

დონალდ ტრამპი არაპროგნოზირებადი ადამიანია - მიხეილ გორბაჩოვი

საბჭოთა კავშირის პირველი და უკანასკნელი პრეზიდენტი მიხეილ გორბაჩოვი ვლადიმირ პუტინისა და დონალდ ტრამპის შეხვედრის ფაქტს მაღალი შეფასება მისცა.

ამის შესახებ Интерфакс წერს.

„ის ფაქტი, რომ ამერიკის პრეზიდენტმაც, დადებითი შეფასება მისცა შეხვედრას, ძალიან კარგია. ტრამპი უნიჭო ადამიანი არ არის, ის არაპროგნოზირებადია. და თუ ის შეხვედრას დადებითად აფასებს, ეს შესანიშნავია“,-აღნიშნა გორბაჩოვმა.

მისი თქმით, საჭიროა მოლაპარაკებების დროს მიღწეული შეთანხმების განმტკიცება, რადგან ერთხელ მოცემული შანსი, შესაძლოა მეორედ არ მოგეცეს.

„რეიგანთან პირველი შეხვედრის დროს შევთანმხდით, რომ “ბირთვული ომი დაუშვებელია და მასში გამარჯვებული არ შეიძლება ვინმე იყოს“. თუმცა, შემდგომ, ყველაფერი რატომღაც ისე არ წავიდა როგორც გვსურდა და როგორც წარმომედგინა“,- განაცხადა პოლიტიკოსმა.

ვლადიმირ პუტინისა და დონალდ ტრამპის პირველი შეხვედრა გუშინ, ჰამბურგში G20-ის სამიტის ფარგლებში შედგა.

ორი ქვეყნის ლიდერი მოლაპარაკებას ორ საათზე მეტხანს მართავდა.

მონიკა დავლიანიძე