მსოფლიო

დონალდ ტრამპი და კიმ ჩენ ინი ერთმანეთს 12 ივნისს სინგაპურში შეხვდებიან

აშშ-ის პრეზიდენტ დონალდ ტრამპსა და ჩრდილოეთკორეელ ლიდერ კიმ ჩენ ინს შორის შეხვედრა 12 ივნისს სინგაპურში გაიმართება. ამის შესახებ ტრამპმა ტვიტერში დაწერა.

„ძალიან მოსალოდნელი შეხვედრა ჩემსა და კიმ ჩენ ინს შორის 12 ივნისს სინგაპურში გაიმართება. ორივე შევეცდებით, შევქმნათ განსაკუთრებული მომენტი მსოფლიო მშვიდობისთვის!“, - დაწერა ტრამპმა.

მანამდე 22 მაისს დონალდ ტრამპი სამხრეთკორეელ კოლეგა მუნ ჯე ინს შეხვდება.

თვითონ მუნ ჯე ინი და კიმ ჩენ ინი ერთმანეთს 27 აპრილს შეხვდნენ. ისტორიულ სამიტზე მხარეები სრულ ბირთვულ განიარაღებასა და ფორმალური ომის დასრულებაზე შეთანხმდნენ.