მსოფლიო

დონალდ ტრამპი და კიმ ჩენ ინი ერთმანეთს მაისში ან ივნისის დასაწყისში შეხვდებიან

აშშ-ის პრეზიდენტმა დონალდ ტრამპმა განაცხადა, რომ აპირებს, შეხვდეს ჩრდილოეთ კორეის ლიდერს კიმ ჩენ ინს „მაისში ან ივნისის დასაწყისში“ და იმედი გამოთქვა, რომ მოლაპარაკებები ბოლოს მოუღებს ფხენიანის ბირთვული შეიარაღების პროგრამას.

„ჩვენ მათ შევხდებით სადღაც მაისში ან ივნისის დასაწყისში და ვფიქრობ, ორივე მხარე პატივით მივუდგეთ და იმედია, ჩვენ მოვახერხებთ, შევთანხმდეთ ჩრდილოეთ კორეის ბირთვულ განიარაღებაზე“, -თქვა ტრამპმა.

აშშ-ის პრეზიდენტის განცხადების შემდეგ, ჩრდილოეთკორეელმა ლიდერმა კიმ ჩენ ინმა ახსენა მოლაპარაკებები ვაშინგტონთან და სამხრეთ კორეასთან მუშათა პარტიის ყრილობაზე. ამის შესახებ ჩრდილოეთკორეული მედია წერს.

კიმ ჩენ ინისა და დონალდ ტრამპის შეხვედრა გაიმართება ორი კორეის პირველი სამიტის შემდეგ, რომელიც 27 აპრილისთვისაა დანიშნული.