მსოფლიო

დონალდ ტრამპი ფხენიანის წინააღმდეგ სამხედრო ოპერაციის ჩატარებას არ გამორიცხავს

ამერიკის პრეზიდენტი დონალდ ტრამპი ჩრდილოეთ კორეის წინააღმდეგ სამხედრო ოპერაციის ჩატარებას არ გამორიცხავს, თუმცა ამჯობინებს, რომ ეს არ მოხდეს.

ამის შესახებ ტრამპმა ვაშინგტონში ქუვეთის ემირთან ერთობლივ პრესკონფერენციაზე განაცხადა, - იტყობინება Euronews.

ტრამპმა, კვლავ მოითხოვა ფხენიანისგან ბირთვული ცდების შეჩერება და მათ „მიუღებელი“ უწოდა.

„სამხედრო მოქმედებების შესაძლებლობას განვიხილავთ. გარდაუვალია თუ არა ეს? არაფერია გარდაუვალი. ვამჯობინებდი არ გვევლო სამხედრო გზით, თუმცა ეს შეიძლება მოხდეს. იმედი მაქვს, ჩრდილოეთ კორეის წინააღმდეგ ასე მოქცევა არ მოგვიწევს. მაგრამ, თუ ეს მოხდება, ჩრდილოეთ კორეისთვის ყველაზე ცუდი დღე დადგება“,-აღნიშნა ამერიკის პრეზიდენტმა.

მონიკა დავლაინიძე