მსოფლიო

დონალდ ტრამპი- ჟურნალისტის კითხვაზე „პუტინი, ხომ მკვლელია“?!: მკვლელი ბევრია, ჩვენც გვყავს ბევრი მკვლელი

ამერიკის პრეზიდენტის დონალდ ტრამპის განცხადებით, იგი რუსეთის პრეზიდენტს ვლადიმირ პუტინს პატივს სცემს, თუმცა დასძინა, რომ „ეს არ ნიშნავს იმას, რომ მასთან კარგი ურთიერთობა აქვს“.

ამის შესახებ ტრამპმა Fox News-თვის მიცემულ ინტერვიში განაცხადა.

ამერიკის პრეზიდენტის სიტყვების შინაარსის დაზუსტების მიზნით, ჟურნალისტმა ბილ ო’რაილიმ იკითხა, რომ „ის, პუტინი ხომ მკვლელია?“ როგორ შეგიძლიათ მას პატივი სცეთ.

დონალდ ტრამპმა კი, უპასუხა, რომ „მკვლელი ბევრია“.

„ჩვენც გვყავს ბევრი მკვლელი. თქვენ ფიქრობთ, რომ ჩვენი ქვეყანა უმანკოა?“,-აღნიშნა დონალდ ტრამპმა.

Fox News-ის ჟურნალისტის სიტყვებს პუტინის პრეს-მდივანი დიმიტრი პესკოვი გამოეხმაურა. მისი თქმით, მას ერჩივნა, რომ „პატივისცემული ტელეარხის მხრიდან, პრეზიდენტის მისამართით ბოდიში მოესმინა“.

რაც შეეხება ტრამპის სიტყვებს, პესკოვმა თქვა, რომ „ამ შემთხვევაში, კომენტარისგან თავს შეიკავებს“.

მონიკა დავლიანიძე