მსოფლიო
დონალდ ტრამპი კიმ ჩენ ინთან შეხვედრისთვის ემზადება
აშშ-ის პრეზიდენტმა დონალდ ტრამპმა განაცხადა, რომ ჩრდილოეთ კორეის მმართველ, კიმ ჩენ ინთან შეხვედრას გეგმავს. ამის შესახებ მან საკუთარ ტვიტერზე დაწერა.
მისი თქმით, სამხრეთ კორეის წარმომადგენლებთან შეხვედრაზე კიმ ჩენ ინმა სარაკეტო ცდების შეჩერების მზადყოფნა გამოთქვა.
„კიმ ჩენ ინმა სამხრეთ კორეის წარმომადგენლებთან ილაპარაკა დენუკლეარიზაციის შესახებ, არა მხოლოდ გაყინვაზე. ასევე, არანაირი სარაკეტო ცდები ჩრდილოეთ კორეის მიერ ამ პერიოდის განმავლობაში. მშვენიერი პროგრესია, მაგრამ სანქციები ძალაში დარჩება შეთანხმების მიღწევამდე. შეხვედრა იგეგმება“. - დაწერა ტრამპმა სამხრეთ კორეის პრეზიდენტის ეროვნული უშიშროების საკითხებში მრჩეველთან ჩონ ი იონგთან მოლაპარაკების შემდეგ.
ჩონ ო იონგმა ტრამპს გადასცა კიმ ჩენ ინის მიწვევა შეხვედრაზე, რომელსაც აშშ-ის პრეზიდენტი დათანხმდა. იონგმა ტრამპზე დაყრდნობით განაცხადა, რომ შეხვედრა მაისამდე შედგება.
ანა მებურიშვილი