მსოფლიო

დონალდ ტრამპი რუსეთის წინააღმდეგ ახალი სანქციების დაწესებას მხარს უჭერს

აშშ-ის პრეზიდენტი დონალდ ტრამპი ხელს მოაწერს კანონპროექტს, რომელიც რუსეთს ახალ სანქციებს უწესებს. ამის შესახებ თეთრი სახლის წარმომადგენელმა სარა ჰაკაბი სანდერსმა განაცხადა.

„ის [დონალდ ტრამპი] საბოლოო ვერსიას გაეცნო და რაკი მისი შენიშვნები იყო გაზიარებული, პრეზიდენტი კანონპროექტს ხელს მოაწერს“, - განაცხადა სანდერსმა.

შეგახსენებთ, აშშ-ის კონგრესის ორივე პალატამ მხარი დაუჭირა კანონპროექტს, რომელიც ასევე უწესებს სანქციებს ირანსა და ჩრდილოეთ კორეას. მიღებული კანონპროექტის მთავარი მიზანია, რომ პრეზიდენტი კონგრესის თანხმობის გარეშე რუსეთს სანქციებს ვერ გაუუქმებს.

კანონპროექტზე რუსეთის რეაქციამ არ დააყოვნა და მოსკოვმა საპასუხო ზომები მიიღო. კრემლმა ვაშინგტონისგან მოითხოვა, რომ 1-ლი სექტემბრისთვის რუსეთში მომუშავე ამერიკელი დიპლომატებისა და ტექნიკური პერსონალის რაოდენობა 455 ადამიანამდე შემცირდეს.

ანა მებურიშვილი