მსოფლიო

დონალდ ტრამპი რუსეთის წინააღმდეგ დამატებითი სანქციების დაწესებას გეგმავს

ამერიკის შეერთებული შტატების პრეზიდენტმა დონალდ ტრამპმა სახელმწიფო მდივანს მაიკ პომპეოს რუსეთის წინააღმდეგ დამატებითი სანქციების მომზადება დაავალა.

ახალი სანქციები მცირე და საშუალო სიშორის რაკეტების ლიკვიდაციის შესახებ შეთანხმების დებულებების დარღვევას უკავშირდება.

შეზღუდვები იმ შემთხვევაში ამოქმედდება, თუკი ოფიციალური მოსკოვის მიერ, ბალისტიკური რაკეტების განადგურების შესახებ შეთანხმების დარღვევა დადასტურდება.

აშშ-ს პრეზიდენტმა კონგრესს უნდა წარუდგინოს იმ პირებისათვის სანქციების დაწესების გეგმა, რომლებიც პასუხისმგებელნი არიან მცირე და საშუალო სიშორის რაკეტების ლიკვიდაციის შესახებ შეთანხმების შეუსრულებლობაზე.

ამერიკის ტერიტორიაზე აქტივების გაყინვა და ქვეყნის ტერიტორიაზე შესვლის აკრძალვა იმ პირებს ემუქრება, რომლებიც შეთანხმების დარღვევაზე არიან პასუხისმგებლები.