მსოფლიო

დონალდ ტრამპი თურქეთისთვის ფეთჰულა გიულენის გადაცემის საკითხს „სერიოზულად მიუდგება“

ამერიკის პრეზიდენტმა დონალდ ტრამპა, თურქი კოლეგა რეჯეპ ტაიპ ერდოღანი დაარწმუნა, რომ ანკარას მოთხოვნას ფეთჰულა გიულენის ექსტრადაციასთან დაკავშირებით „სერიოზულად მიუდგება“.

ამის შესახებ თურქეთის პრეზიდენტის პრეს-მდივანმა იბრაგიმ კალინმა თურქული ტელეარხის ეთერში განაცხადა.

აღსანიშნავია, რომ გვიან ღამით თურქეთის და ამერიკის ლიდერებმა სატელეფონო საუბარი გამართეს.

„პრეზიდეტების ტაიპ ერდოღანისა და დონალდ ტრამპის საუბრის მსვლელობისას, ამერიკის პრეზიდენტმა კოლეგა დაარწმუნა, რომ თურქეთის მოთხოვნას გიულენის გადაცემასთან დაკავშირებით სერიოზულად მიუდგება“,-განაცხადა კალინმა.

შეგახსენებთ, რომ თურქეთის მთავრობა, ამერიკაში მცხოვრებ მქადაგებელ ფეთჰულა გიულენს იმ სამხედრო ამბოხის მცდელობის სულის ჩამდგმელად მიიჩნევს, რომელსაც ადგილი გასული წლის ივნისში ჰქონდა.

მონიკა დავლიანიძე