მსოფლიო

დონალდ ტრამპი ვიზიტით საფრანგეთს ეწვია

ამერიკის პრეზიდენტი დონალდ ტრამპი საფრანგეთში პირველი ვიზიტით იმყოფება.

საფრანგეთის პრეზიდენტი ემანუელ მაკრონი დონალდ ტრამპს ინვალიდთა სახლში შეხვდება. საზეიმო ცერემონიის შემდეგ ორი ქვეყნის ლიდერები ელისეს სასახლეში გადაინაცვლებენ, სადაც პირისპირ შეხვედრას გამართავენ.

პირისპირი შეხვედრის შემდეგ მხარეები ერთობლივ პრესკონფერენციას გამართავენ.

საღამოს ემანუელ და ბრიჟიტ მაკრონები დონალდ და მელანია ტრამპებს ეიფელის კოშკის მეორე სართულზე, „ჟიულ ვერნის“ რესტორანში უმასპინძლებენ ვახშამზე.

ხვალ კი, დონალდ ტრამპი 14 ივლისის, საფრანგეთის ეროვნული დღესასწაულის ღონისძიებებში მიიღებს მონაწილეობას. კერძოდ, ის დაესწრება სამხედრო აღლუმს, რომელიც შანზ-ელიზეზე გაიმართება.

მონიკა დავლიანიძე