უახლესი ამბები
არქივი
მსოფლიო
დონალდ ტრამპის განცხადებით, არ აწუხებს, რა გავლენას მოახდენს სხვა ქვეყნების ეკონომიკებზე თურქეთისთვის ტარიფების დაწესება
აშშ-ის პრეზიდენტი დონალდ ტრამპი აცხადებს, რომ არ აწუხებს, რა გავლენას მოახდენს სხვა ქვეყნების ეკონომიკებზე თურქეთისთვის ტარიფების დაწესება.
„მე ეს საერთოდ არ მაწუხებს. ეს არის სწორი ქმედება“, – განაცხადა დონალდ ტრამპმა სააგენტო Reuters-თან ინტერვიუში.
გამოცემასთან საუბრისას აშშ-ის პრეზიდენტი დაკავებული ამერიკელი პასტორის გათავისუფლების სანაცვლოდ თურქეთის რომელიმე მოთხოვნის შესრულებას გამორიცხავს.
როგორც ტრამპი ამბობს, ის ფიქრობდა, რომ თურქეთის პრეზიდენტ რეჯეფ ტაიპ ერდოღანთან გარიგება დადო, როდესაც ისრაელი თურქეთის მოქალაქის გათავისუფლებაზე დაითანხმა.
აშშ-ს პრეზიდენტის განცხადებით, ის მიიჩნევდა, რომ სანაცვლოდ ერდოღანი პასტორს ენდრიუ ბრანსონს გაათავისუფლებდა, რომელიც სახელმწიფო გადატრიალების მცდელობასთან კავშირს უარყოფს.
„ძალიან სამწუხაროა, რასაც თურქეთი აკეთებს. ვფიქრობ, ისინი საშინელ შეცდომას უშვებენ. არანაირი დათმობა არ იქნება“, – განაცხადა აშშ-ის პრეზიდენტმა ინტერვიუში.