უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
მსოფლიო
დონალდ ტრამპმა, შესაძლოა, გადაიფიქროს და კიმ ჩენს ინს შეხვდეს
აშშ-ის პრეზიდენტის, დონალდ ტრამპის განცხადებით, მან, შესაძლოა, გადაიფიქროს და ჩრდილოეთ კორეის ლიდერ კიმ ჩენ ინს მაინც შეხვდეს. როგორც ტრამპმა საკუთარ ტვიტერზე დაწერა, შეხვედრის აღდგენასთან დაკავშირებით მხარეებს შორის მოლაპრაკებები მიმდინარეობს.
„ჩვენ ძალიან პროდუქტიულ მოლაპარაკებებს ვაწარმოებთ ჩრდილოეთ კორეასთან შეხვედრის აღდგენასთან დაკავშირებით, რომელიც შეიძლება მოხდეს, სავარაუდოდ, სინგაპურში, როგორც ადრე გამოცხადდა იმავე დღეს, 12 ივნისს. თუ საჭირო გახდება, სამიტის დრო გადაიწევა“, -დაწერა ტრამპმა ტვიტერზე.
24 მაისს ცნობილი გახდა, რომ ტრამპმა მოლაპარაკებები გააუქმა და შესაბამისი წერილი კიმ ჩენ ინს გაუგზავნა. აშშ-ის პრეზიდენტმა ფხენიანი „ღია მტრობაში“ დაადანაშაულა.
ცნობისთვის, სინგაპურში 12 ივნისისთვის დაგეგმილი შეხვედრის ჩაშლაზე ფხენიანმა დაიწყო საუბარი მას შემდეგ, რაც ეროვნული უსაფრთხოების საკითხებში აშშ-ის პრეზიდენტის მრჩეველმა ჯონ ბოლტონმა განაცხადა, რომ ჩრდილოეთ კორეა დენუკლერიზაციის პროცესში „ლიბიურ მოდელს“ უნდა მიჰყვეს.
2003 წელს ლიბიის მაშინდელი პრეზიდენტი მუამარ კადაფი დასავლეთს ბირთვული პროგრამის გაუქმებას დათანხმდა სანქციების მოხსნის სანაცვლოდ. 8 წლის შემდეგ პროდასავლურმა მეამბოხეებმა კადაფი მოკლეს.
ჩრდილოეთ კორეის უკმაყოფილება ასევე გამოიწვია აშშ-ისა და სამხრეთ კორეის ერთობლივმა სამხედრო სწავლებამ სახელწოდებით „Max Thunder“. ამის გამო ფხენიანმა კიმ ჩენ ინისა და სამხრეთ კორეის პრეზიდენტის, მუნ ჯე ინის შეხვედრა გააუქმა, რომელიც 16 მაისს უნდა შემდგარიყო.