მსოფლიო

დონალდ ტრამპმა სიგნალი მიიღო - მსოფლიო ტარიფებზე დროებითი შეჩერება ინვესტორებს ამშვიდებს

აშშ-ის პრეზიდენტმა დონალდ ტრამპმა შოკისმომგვრელი გადაწყვეტილება მიიღო და მსოფლიოსთვის დაწესებული ე.წ. „რეციპროკული“ ტარიფების საფრთხე სამი თვით შეაჩერა. გადაწყვეტილება მას შემდეგ იქნა მიღებული, რაც საფონდო ბირჟებზე რამდენიმე დღის მანძილზე მძიმე ვარდნები დაფიქსირდა და გლობალური ეკონომიკური არასტაბილურობის შიში გაიზარდა.

ბაზრებმა ტრამპის გადაწყვეტილებას მყისიერად უპასუხეს — ინდექსები მკვეთრად გაიზარდა, რაც ინვესტორებისა და მომავალი პენსიის ან სხვა სახის დანაზოგების მქონე ამერიკელებისთვის შვებისმომგვრელი იყო.

ამ გადაწყვეტილებამდე მხოლოდ ორი დღით ადრე თეთრმა სახლმა კატეგორიულად უარყო გავრცელებული ინფორმაცია, თითქოს ტარიფების შეჩერება განიხილებოდა და მას „ყალბი ახალი ამბები“ (fake news) უწოდა. თუმცა ოთხშაბათს ტრამპმა ჟურნალისტებთან განაცხადა, რომ ამ ნაბიჯზე უკვე რამდენიმე დღეა ფიქრობს.

ბაზრის რყევებმა პრეზიდენტის უახლოესი მოკავშირეებიც კი შეაშფოთა, მათ შორის ცნობილი ფონდმმართველი ბილ ეკმანი და რესპუბლიკელი კონგრესმენები, რომლებიც შიშობენ, რომ ეკონომიკური არასტაბილურობა 2025 წლის შუალედურ არჩევნებზე მათ პოზიციებს დააზიანებს.

გაცხარდა დებატები ტარიფების თემაზეც — ერთმანეთს დაუპირისპირდნენ ელონ მასკი და ტრამპის სავაჭრო მრჩეველი პიტერ ნავარო.

Reuters/Ipsos-ის მიერ ჩატარებული გამოკითხვის მიხედვით, ბაზრის თვალს არიდებული რიგითი ამერიკელებიც კი სულ უფრო მეტად განიცდიან ეკონომიკურ პოლიტიკასთან დაკავშირებულ გაურკვევლობას — მოსახლეობის დიდი ნაწილი ელოდება ფასების ზრდას ტრამპის ნაბიჯების შედეგად.

პრეზიდენტის დროებითი უკან დახევა ამ ეტაპზე როგორც ეკონომიკურ, ისე პოლიტიკურ ტემპერატურას ამშვიდებს, თუმცა სამთვიანი პაუზის შემდეგ ვითარების განვითარება კვლავ მკვეთრი ცვლილებების შესაძლებლობას არ გამორიცხავს.