უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
„ელიტ ელექტრონიქსის“ დამფუძნებელმა ხელისუფლება მამუკა ხაზარაძის ლობირებაში დაადანაშაულა
„ელიტ ელექტრონიქსის“ დამფუძნებელმა, ბიზნესმენმა ანზორ ქოქოლაძემ ხელისუფლება „თიბისი“ ბანკის დამფუძნებლის, მამუკა ხაზარაძის მფარველობაში დაადანაშაულა.
ქოქოლაძის თქმით, მამუკა ხაზარაძე ეხმარებოდა ყოფილ პრეზიდენტს, მიხეილ სააკაშვილს ბიზნესის, ამ შემთხვევაში, „ელიტ ელექტრონიქსის“ დატერორებაში.
„პროკურატურაში წარდგენილია ყველა მტკიცებულება და დადასტურებული ფაქტები, თუ როგორ ატერორებდა ბიზნესს სააკაშვილის ხელისუფლება, რომელსაც „ელიტ ელექტრონიქსის“ საქმეში ჩართული ჰყავდა სახელმწიფო ხელისუფლების თითქმის ყველა შტო - ფინანსური პოლიცია, პროკურატურა, საგადასახადო სამსახური, ქალაქის მერი, პარლამენტი და სასამართლო. ჩვენ წინააღმდეგ დანაშაულებრივ სქემას ხელმძღვანელობდა ზურაბ ადეიშვილი, ხოლო აღასრულებდნენ დავით კეზერაშვილი და მამუკა ხაზარაძე, „თი-ბი-სი ბანკით“, - თქვა ქოქოლაძემ დღევანდელ პრესკონფერენციაზე, რომელიც სახალხო დამცველთან და ადვოკატებთან ერთად გამართა.
ბიზნესმენის თქმით, 2012 წელს დაწყებული გამოძიება ხელისუფლების გარკვეული წრეების ჩარევის გამო იწელება.
„მიუხედავად იმისა, რომ პროკურატურამ ძიება 2012 წლიდან დაიწყო, დაზარალებულად ცნობა იწელება. ეს ფაქტი აჩენს საფუძვლიან ეჭვს, რომ ხელისუფლების გარკვეული წრეები ისევ აქტიურად მფარველობენ მამუკა ხაზარაძეს, რომელმაც მთავარი „ზონდერ ბიზნესმენის“ ფუნქცია შეასრულა კომპანია „ელიტ ელექტეონიქსის“ მითვისების სქემაში“, - განაცხადა ქოქოლაძემ.
შეგახსენებთ, 2008 წელს თიბისი ბანკმა კომპანია „ელიტ ელექტრონიქსი“ 80 მილიონ ლარად შეაფასა, ხოლო 2010 წლის 7 მაისს 116 ათას ლარად შეისყიდა.
2010 წლის აგვისტოში ფინანსთა სამინისტროს საგამოძიებო სამსახურმა „ელიტ ელექტრონიქსის“ დამფუძნებელი, ანზორ ქოქოლაძე დააკავა. მას ბრალად ედებოდა განსაკუთრებით დიდი ოდენობით ფულადი თანხის თაღლითურად დაუფლებაში. 2 წლის შემდეგ ის პრეზიდენტის მიერ შეწყალებულ პატიმართა სიაში მოხვდა. იმავე წლის დეკემბერში კი ბიზნესმენმა „თიბისი“ ბანკის წინააღმდეგ საჩივარი შეიტანა პროკურატურაში.