მსოფლიო

ემანუელ მაკრონი „ნამდვილი ევროპული არმიის“ შექმნის ინიციატივით გამოდის

საფრანგეთის პრეზიდენტის, ემანუელ მაკრონის განცხადებით, საჭიროა „ნამდვილი ევროპული არმიის“ შექმნა, რათა საკუთარი თავი დაიცვას როგორც რუსეთისგან, ასევე აშშ-სგანაც.

ამის შესახებ მაკრონმა რადიო Europe 1-ს უთხრა.

მან ასევე აღნიშნა, რომ ევროპამ აშშ-ზე ნაკლებად დამოკიდებული უნდა იყოს.

„ჩვენ არ დავიცავთ ევროპელებს, თუკი არ გადავწყვეტთ, გვყავდეს ნამდვილი ევროპული არმია“, -განაცხადა მაკრონმა და აღნიშნა, რომ ევროპამ უნდა შეძლოს, დამოუკიდებლად დაიცვას თავი.