მსოფლიო

ემანუელ მაკრონი ვლადიმერ პუტინთან მტკიცე პოზიციას დაიკავებს საფრანგეთის ინტერესების დასაცავად - საფრანგეთის მთავრობის წარმომადგენელი

საფრანგეთის მთავრობის ოფიციალური წარმომადგენლის კრისტოფ კასტანერის განცხადებით, საფრანგეთის ახალარჩეული პრეზიდენტი ემანუელ მაკრონი თავის რუს კოლეგა ვლადიმერ პუტინთან საფრანგეთის ინტერესებს დაიცავს. ამის შესახებ კასტანერმა რადიოსადგურ France Info-ს უთხრა.

„შემიძლია დაგარწმუნოთ, რომ საფრანგეთის პრეზიდენტი მტკიცე პოზიციას დაიკავებს საფრანგეთის ინტერესების დასაცავად“, - განაცხადა კასტანერმა.

შეგახსენებთ, საფრანგეთისა და რუსეთის პირველი პირები ერთმანეთს პირველად 29 მაისს, ვერსალის სასახლეში შეხვდებიან.

ანა მებურიშვილი