მსოფლიო

ემანუელ მაკრონის საარჩევნო შტაბზე იერიში გრუ-თან კავშირში მყოფმა ჰაკერებმა განახორციელეს

საფრანგეთის პრეზიდენტობის კანდიდატის ემანუელ მაკრონის საარჩევნო შტაბზე კიბერ შეტევა განხორციელდა.

„თითების ციფრული ანაბეჭდი“ ანალოგიურია იმისა, რაც ამერიკისა და გერმანიის კანცლერის პარტიებზე თავდასხმის დროს გამოვლინდა. აღნიშნული ანაბეჭდების მქონე ჰაკერები, გრუ-თან არიან კავშირში.

ამის შესახებ Reuters წერს.

Trend Micro-ს ექსპერტმა ფაიკ ხაუკბორდმა განაცხადა, რომ მაკრონის შტაბზე თავდასხმა იმ დროს შეამჩნია, როდესაც კომპანიის საიტზე უსაფრთხოების სისტემის დაყენებას აპირებდა.

„თითების ციფრული ანაბეჭდი“ ანალოგიურია იმისა, რაც ვიხილეთ ანგელა მერკელის პარიტიაზე თავდასხმის დროს და ამერიკის დემოკრატიულ პარტიაზე თავდასხმის დროს“,-განაცხადა ექსპერტმა.

უსაფრთხოების ექსპერტები აღნიშნავენ, რომ Pawn Storm-ის ჰაკერები ცნობილი არიან იმით, რომ მოპარულ დოკუმენტებს გარკვეულ დროის გასვლის შემდეგ აქვეყნებენ.

რუსეთმა მაკრონის შტაბზე თავდასხმასთან კავშირი უარყო.

კიბერ უსაფრთხოების იაპონური ორგანიზაცია ირწმუნება, რომ აშშ-ის საპრეზიდენტო არჩევნების დროს განხორციელებული კიბერშეტევების ანალოგიური კამპანიის სამიზნე ამჯერად ემანუელ მაკრონის მოძრაობის En Marche !-ს საიტია. აპრილის თვეში ინტერნეტ ქსელში გამოჩნდა აღნიშნული საიტის ანალოგიური 4 საიტი, რომლის მიზანიც საიტის ვიზიტორების მონაცემების მოპოვება იყო.

ტრენდ მაიკროს წარმომადგენლები პირდაპირ არ საუბრობენ რუსეთის სპეცსამსახურებზე, თუმცა აღნიშნავენ, რომ ჰაკერების ხელწერა, თითქმის, იდენტურია. სააგენტოში აცხადებენ, რომ ინფორმაცია მიაწოდეს მაკრონის შტაბს და საფრანგეთის დაზვერვას, მაგრამ ჰაკერების ქმედების შედეგი მათთვის უცნობია.

საპრეზიდენტო არჩევნების პირველი ტურის კამპანიის დროს ემანუელ მაკრონის გუნდმა უკვე გამოხატა შეშფოთება და დაგმო ის ქმედებები, რომელიც რუსეთის მიერ სოციალურ ქსელში და საინფორმაციო სივრცეში ვრცელდებოდა. მათი თქმით რუსეთის ხელისუფლება თავისი დუმილით მხარდაჭერას უცხადებს შავი პიარის გამავრცელებენ ისეთ მედიასაშუალებებს, როგორიცაა Russia Today და SputnikNews-ი.

მონიკა დავლიანიძე