პოლიტიკა

ენმ კახა კალაძეს ბიუჯეტიდან 14 ათასი ლარის არამიზნობრივ ხარჯვაში ადანაშაულებს

თბილისის საკრებულოს ფრაქცია ნაციონალური მოძრაობა თბილისის მერს, კახა კალაძეს დედაქალაქის ბიუჯეტის არამიზნობრივ ხარჯვაში ადანაშაულებს.

ენმ-ს წევრ, ლევან ხაბეიშვილის განცხადებით, კახა კალაძე ბიუჯეტის ხარჯით ვიზიტად ლუქსემბურგში, მილანსა და ვარშავაში ორ პირთან ერთად იმყოფებოდა.

ვიზიტის ოფიციალური მოტივი ინვესტორთან შეხვედრა იყო, თუმცა როგორც ხაბეიშვილი ამბობს, დეტალები ცნობილი არ არის.

საკრებულოს ოპოზიციონერი დეპუტატის ინფორმაციით, ამ ვიზიტზე დედაქალაქის ბიუჯეტიდან 14 ათასი ლარი დაიხარჯა.

,,კონკრეტული დოკუმენტაცია გვაქვს წარმოდგენილი, რომელზეც არის კალაძის ხელმოწერა და არის ბრძანება, რომლითაც დასტურდება, რომ ის მილანში იყო პოტენციურ ინვესტორთან შეხვედრაზე. ჩამოსვლის შემდეგაც კი, ბურუსითაა მოცული ის, თუ ვინ იყო პოტენციური ინვესტორი. დოკუმენტაციაში ამაზე არაფერი წერია. სავარაუდოდ, კალაძე პოტენციურ ინვესტირად განიხილავს იმ დალაქს, რომელმაც შეჭრა საბოლოო ჯამში ნანეტი“, - განაცხადა ხაბეიშვილმა.

კახა კალაძე ბრალდებებს არასერიოზულს უწოდებს.

,,სასაცილოა, ანუ გამოდის, ქალაქის ბიუჯეტიდან ავიღე თანხები, ბილეთებში დავხარჯე, წავედი მილანში, იქ კიდევ ვიღაცები დავპატიჟე ბარში, რესტორანში და ამაში ქალაქის ბიუჯეტის თანხები დავხარჯა. მერე თმებიც შევიჭერი“, - განუცხადა ჟურნალისტებს ბრალდებების საპასუხოდ თბილისის მერმა.

ნინო ექვთიმიშვილი