პოლიტიკა

ენმ-ში მერობის ერთ-ერთ კანდიდატად გრიგოლ ვაშაძე განიხილება

„ერთიან ნაციონალურ მოძრაობაში“ თბილისის მერობის ერთ-ერთ კანდიდატად გრიგოლ ვაშაძე განიხილება. - ამის შესახებ ინფორმაციას საზოგადოებრივი ავრცელებს.

პარტიის წევრმა ნუგზარ წიკლაურმა კონკრეტული პირების დასახელებისგან თავი შეიკავა. მისი თქმით, ენმ-ში მერობის კანდიდატთან დაკავშირებით აქტიური კონსულტაციები მიმდინარეობს.

„რაც შეეხება მერობის კანდიდატებს, ამჟამად, საკითხზე აქტიური კონსულტაციები მიმდინარეობს. ზუსტად ვერ გეტყვით, როდის იქნება გადაწყვეტილება მიღებული. თუ ათ კანდიდატს ჩამომითვლით, გეტყვით, ვისზეა საუბარი. სახელებსა და გვარებზე კომენტარს ვერ გავაკეთებ. ვერც იმას გეტყვით, კანდიდატს როდის დავასახელებთ“, - განუცხადა წიკლაურმა „მოამბეს“.

რამდენიმე დღის წინ გავრცელდა ინფორმაცია, რომ პარტია კვლავ ნიკა მელიას წარადგენს.

ანა მებურიშვილი