მსოფლიო

ერევანს ყარაბახის ირგვლის ტერიტორიის დაბრუნებას აიძუელბენ - სომეხი ისტორიკოსი

იმ შემთხვევაში თუ თურქეთ-რუსეთის ინტერესების თანხვედრა მოხდა, სომხეთს ყარაბაღის ტერიტორიის დაბრუნებას აიძულებენ.

ამის შესახებ სომეხმა ისტორიკოსმა გევორკ იაზიჩიანმა განაცხადა, - წერს Новости-Армения.

მისი თქმით, ინტერესები შეიძლება უკავშირდებოდეს აზერბაიჯანის ევრაზიულ ეკონომიკურ კავშირში, ან იგივე ოდკბ-ში შესვლას, ან თუნდაც ნავთობს.

„იმ შემთხვევაში თუ „თურქული ნაკადი“-ს პროექტი განხორციელდა, რუსეთს თურქეთისგან გაცილებით მეტის მოლოდინი ექნება. ჩვენ კი, რუსეთს ვერაფერს შევთავაზებთ. რუსეთი ჩვენს ინტერესს უკვე არც ითვალისწინებს, ჩვენ მათთვის არაფერს წარმოვადგენთ“,-აღნიშნა ისტორიკოსმა.

მისი პროგნოზით, მოვლენების ამგვარი განვითარების შემთხვევაში, სომხეთს ყარაბაღის ტერიტორიის დათმობა მოუწევს.

„პირველ რიგში, ყარაბაღის ტერიტორიების დათმობას გვაიძულებენ. ამის სანაცვლოდ რუსეთი, ალბათ, აზერბაიჯანისგან რაღაცას მიიღებს, მაგალითად, ევრაზიულ ეკონომიკურ კავშირში შესვლას“,-განაცხადა სომეხმა ისტორიკოსმა.

მონიკა დავლიანიძე