უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
არქივი
პოლიტიკა
ეროვნული ბანკი გახლავთ სრულიად დამოუკიდებელი და კარგი პროფესიონალებით დაკომპლექტებული ინსტიტუტი - მამუკა ბახტაძე
ფაქტობრივი გარემოება არის ის, რომ ეროვნული ბანკი გახლავთ სრულიად დამოუკიდებელი და ძალიან კარგი პროფესიონალებით დაკომპლექტებული ინსტიტუტი, რომელმაც აჩვენა თავის საქმიანობაში, რომ ის ყოველთვის მოქმედებს ძალიან მაღალი ეთიკური ნორმებით, - ამის შესახებ საქართველოს პრემიერ-მინისტრმა მამუკა ბახტაძემ დღეს გამართულ ბრიფინგზე განაცხადა.
მთავრობის მეთაურის თქმით, ბოლო დღეების განმავლობაში ეროვნული ბანკის მიმართ სრულიად უსაფუძვლო და პოპულისტური განცხადებები გაკეთდა.
„ეროვნული ბანკი გახლავთ სრულიად დამოუკიდებელი და პროფესიონალებით დაკომპლექტებული ინსტიტუტი. ეს არ არის მხოლოდ ჩემი შეფასება - ეს გახლავთ შეფასება, რომელსაც ჩვენ ვისმენთ საერთაშორისო ფინანსური ინსტიტუტებისგან. ეს გახლავთ სწორედ ერთ-ერთი მთავარი არგუმენტი იმისა, რომ ჩვენ გვაქვს ასეთი წარმატება და ამდენი წლის შემდეგ მოხერხდა საქართველოსთვის საინვესტიციო რეიტინგის ზრდა. ეს გახლავთ ფაქტობრივი გარემოება, დანარჩენი ყველაფერი სამწუხაროდ, პოლიტიკური სპეკულაციაა“, - განაცხადა მამუკა ბახტაძემ.
პრემიერ-მინისტრის თქმით, მარეგულირებლის გამართული მუშაობა ყველასთვის თვალსაჩინოა.
„მსურს, რიგითი მოქალაქის პოზიციიდან მადლობა გადავუხადო ეროვნულ ბანკს ძალიან მაღალი პროფესიული საქმიანობისთვის. ბანკმა თავისი ზედამხედველობის ნაწილში მიიღო გადაწყვეტილება, რომელიც არის გამყარებული ძლიერი არგუმენტებით. ასევე მინდა კიდევ ერთხელ გამოვეხმაურო და გამოვხატო ჩემი დადებითი მიდგომა იმასთან დაკავშრებით, რომ ეროვნულმა ბანკმა და "თი-ბი-სი" ბანკმა ერთობლივი განცხადება გააკეთეს. ეს გახლდათ ძალიან მნიშვნელოვანი.
"თი-ბი-სი" ბანკი გახლავთ ქვეყნის ერთ-ერთი მთავარი საფინანსო ინსტიტუტი, რომელიც სასიცოცხლოდ მნიშვნელოვანია არა მხოლოდ ჩვენი საფინანსო სექტორისთვის, არამედ, ეროვნული ეკონომიკისთვის და შესაბამისად, ძალიან სამწუხარო იყო ჩემთვის იმის მოსმენა, რომ სხვადასხვა სრულიად უპასუხისმგებლო პოლიტიკური ძალები ცდილობენ, ეს საკითხი დააბრუნონ უპასუხისმგებლო პოლიტიკურ საინფორმაციო ველში. ეს არის ინფორმაციის საზოგადოებამდე დამახინჯებული გზით მიტანის მცდელობა. ხდება არასწორი აქცენტების დასმა და უფრო მეტიც, მცდელობა, რომ ანაკლიის პორტის პროექტიც კი მიაბან ამ საკითხს“, - განაცხადა მამუკა ბახტაძემ.