პოლიტიკა

“ერთიანი ნაციონალური მოძრაობა“ საკრებულოში ორ ფრაქციად იშლება

დღეს ცალ-ცალკე ფრაქციების შექმნის განცხადებით, “ერთიანი ნაციონალური მოძრაობის“ წარმომადგენლები და მათი ყოფილი თანაგუნდელები თბილისის საკრებულოს თავმჯდომარეს მიმართავენ.

ცნობილია, რომ შეიქმნება ორი ფრაქცია, “ერთიანი ნაციონალური მოძრაობა“, რომელსაც ირაკლი ნადირაძე უხელმძღვანელებს და “თბილისი“ მამუკა ახვლედიანის მეთაურობით.

“ჩვენი ფრაქცია, რომელიც საკრებულოში წარმოადგენს ახალ პოლიტიკურ ძალას, რომელმაც რამდენი დღის წინ გააკეთა განაცხადი, იქნება შემდგარი 3 კაცისგან. ფრაქციის სახელწოდება იქნება “თბილისი“. ფრაქციაში შევა საკრებულოს 3 დეპუტატი. თავმჯდომარე ვიქნები მე, ასევე, იქნებიან ბატონი დავით ავალიანი და თამაზ შოშიაშვილი,“- განაცხადა მამუკა ახვლედიანმა რუსთავი 2-თან საუბარში.

ანა მებურიშვილი