უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ეს არის ტყუილი, თვალებში ნაცრის შეყრა და აბუჩად აგდება ბიძინა ივანიშვილის მხრიდან - ნინო ბურჯანაძე
ეს არის ტყუილი, თვალებში ნაცრის შეყრა და აბუჩად აგდება ბიძინა ივანიშვილის მხრიდან, მაგრამ ვიდრე ვითმენთ, გვეკუთნის, - განაცხადა „დემოკრატიული მოძრაობის“ ლიდერმა ნინო ბურჯანაძემ მმართველი გუნდის მიერ დაანონსებული სამთავრობო ცვლილებებისა და ოპტიმიზაციის შეფასებისას.
მისი თქმით, ბიძინა ივანიშვილს დევნილთა მინისტრის, სოზარ სუბარის მოხსნა სურს, თუმცა გამომდინარე იქიდან, რომ სკანდალის გამოწვევა არ უნდა, სამინისტროს გაუქმების გადაწყვეტილება მიიღო.
„დემოკრატიული მოძრაობის“ ლიდერი „ქართული ოცნების“ მიერ დღეს დაგეგმილ შეხვედრას ეხმაურება და აღნიშნავს, რომ ეს იქნება მასკარადი ოპტიმიზაციაზე.
„ეს არ იქნება მსჯელობა, ეს იქნება აბსურდი და მასკარადი ვითომ ოპტიმიზაციაზე და სამთავრობო სტრუქტურების ცვლილებებზე. როგორ შეიძლება სერიოზულად ვისაუბროთ ამ საკითხზე. ქვეყანაში, სადაც არის 300 ათასი დევნილი, აუქმებენ დევნილთა სამინისტროს. ეს ხომ პირდაპირი მაჩვენებელია იმისა, რომ ამ ხელისუფლებაში დევნილების პრობლემები, რეალურად არავის აინტერესებს. ასეთ სტრატეგიულად მნიშვნელოვან სამინისტროს აუქმებენ, მხოლოდ იმიტო რომ ბიძინა ივანიშვილს სურს სოზარ სუბარის მოხსნა, მაგრამ არ უნდა, რომ ამან სკანდალის სახე მიიღოს. ივანიშვილი მარტივად წყვეტს პრობლემას -აუქმებს სამინისტროს. ასეთია მილიარდელის დამოკიდებულება იმ ადამიანების მიმართ, ვინც ამ სამინისტროში მუშაობს ან იმ ხალხისადმი, ვისაც დევნილების სახით სამინისტრო ემსახურება. გამოდის, რომ ჩვენი პრიორიტეტი დევნილები აღარ არის? ჩვენი პრიორიტეტი განათლება და მეცნიერება აღარ არის? ჩვენი პრიორიტეტი ეკოლოგია აღარ არის?
ახალი პრემიერ-მინისტრი გვიმტკიცებს, რომ ოპტიმიზაცია საბიუჯეტო სახსრების დასაზოგად არის საჭირო და პარალელურად იმასაც გვეუბნებიან, რომ თანამშრომლების შემცირება არ იქნება. ვსვამ ძალიან მარტივ კითხვას - როგორ უნდა დაიზოგოს ბიუჯეტის თანხები თუ ადამიანების რაოდენობა არ შემცირდება?! იმ ადამიანებს უხელფასოდ ხომ ვერ ამუშავებენ, ამავე დროს ვერც ხელფასებს შეუმცირებენ და ვერც გაუშვებენ, მაშინ მიპასუხოს პრემიერმა, როგორ გაკეთდება საბიუჯეტო სახრების ეკონომია? ეს არის ტყუილი, თვალებში ნაცრის შეყრა და აბუჩად აგდება ბიძინა ივანიშვილის მხრიდან, მაგრამ გვეკუთნის, ვიდრე ვითმენთ გვეკუთნის!“- განაცხადა ნინო ბურჯანაძემ.