კომენტარი

ეს განცხადებები არის დამაზიანებელი ჩვენნაირი ახალგაზრდა სახელმწიფოსთვის, რომელიც ნელ-ნელა ემშვიდობებოდა კორუფციულ წარსულს - ანა დოლიძე

,,ომეგა ჯგუფზე“ ზეწოლასთან დაკავშირებით გავრცელებულ მორიგ აუდიოჩანაწერს იუსტიციის უმაღლესი საბჭოს არამოსამართლე წევრი ანა დოლიძე ეხმაურება და აცხადებს, რომ შესაძო კორუფციასთან დაკავშრებით არსებულ კითხვებს პასუხები ხელისუფლებამ უნდა გასცეს.

„მე ვხედავ საკმაოდ დამაფიქრებელ სურათს, როდესაც კორუფციის ზრდის შესახებ ბიზნესმენების მხრიდან ყოველ კვირას ახალი განცხადება არის, არა მარტო „იბერიასა“ და „ომეგას“ საქმე, არამედ გუშინ მოვისმინე ესტონელი ბიზნესმენის განცხადება, რომ საქართველოში კორუფცია იზრდება და კორუფციის რისკები მაღალია. ეს განცხადებები არის სრულიად დამაზიანებელი ჩვენნაირი ახალგაზრდა სახელმწიფოსთვის, რომელიც ნელ-ნელა ემშვიდობებოდა კორუფციულ წარსულს. ისინი ხელს შეუშლის ინვესტიციების მოზიდვას, ამ განცხადებების ცენტრში არის სასამართლო ხელისუფლება, სადაც წესით უნდა ირჩეოდეს მსგავსი დავები, მაგრამ, სამწუხაროდ, ბიზნესმენების ნდობა სასამართლოს მიმართ დაბალია,“- განაცხადა ანა დოლიძემ.