უკან
არქივი
საზოგადოება
30 ივლისი, 2018 14:20
ეს იყო დაკითხვა დაკითხვისთვის - ხორავას ქუჩაზე მოზარდების მკვლელობის საქმეზე დანაშაულის დაფარვაში ბრალდებულის ადვოკატი
ხორავას ქუჩაზე მოზარდების მკვლელობის საქმეზე დანაშაულის დაფარვაში ბრალდებული ერთ-ერთი პირის ადვოკატის, მერაბ მამულაძის შეფასებით, დღეს დაკითხულ მოწმეებს არანაირი ღირებული ინფორმაცია არ მიუწოდებიათ სასამართლოსთვის.
დაცვის მხარე კვლავ ითხოვს, რომ პროკურატურამ სასამართლოში საქმის მთავარი მოწმეები წარადგინოს.
„მოწმეებს ფაქტობრივად არანაირი ღირებული ინფორმაცია არ მიუწოდებიათ სასამართლოსთვის. ეს იყო დაკითხვა დაკითხვისთვის. ჩვენ გვქონდა მოლოდინი, რომ აღნიშნულ საქმეზე დღეს მაინც დაიკითხებოდნენ მნიშვნელოვანი მოწმეები, როგორიც არიან კალანდიები, მაგრამ, სამწუხაროდ, ისინი ბრალდების მხარემ არ გამოიძახა და შემოიფარგლა მხოლოდ უმნიშვნელო და არაინფორმაციული მოწმეების დაკითხვით", - განაცხადა ადვოკატმა.