პოლიტიკა
ე.წ. ბონუსის სისტემის გაუქმებაში გარკვეულ რისკებს ვხედავთ - ირაკლი კობახიძე
პარლამენტის თავმჯდომარის, ირაკლი კობახიძის შეფასებით, ე.წ. ბონუსების სისტემის გაუქმება და პოლიტიკური პარტიებისთვის ბლოკებად გაერთიანების ერთჯერადი უფლების შენარჩუნება რისკის შემცველია.
„ე.წ. ბონუსის სისტემის გაუქმებაში გარკვეულ რისკებს ვხედავთ. ამ სისტემის მიზანი პლურალიზმთან ერთად, სტაბილურობის უზრუნველყოფა იყო. თუმცა ჩვენი საერთო პასუხისმგებლობაა, რომ პარტიული სისტემის ინსტიტუციონალიზაციასა და პოლიტიკური სისტემის კონსოლიდაციაზე ერთად ვიზრუნოთ. ასეთ შემთხვევაში, რისკების მასშტაბი შეიძლება შემცირდეს, რაც შეიძლება პროპორციული არჩევნების ჩატარებასთან იყოს დაკავშირებული.
ბლოკების დატოვება გარკვეულ რისკებსა და მანიპულაციას შეიცავს, მაგრამ შევეცდებით, რომ ამ რისკების პრევენცია კანონის დონეზე მოვახდინოთ“, -თქვა კობახიძემ პარლამენტის პლენარულ სხდომაზე, სადაც საკონსტიტუციო ცვლილებების განხილვა მიმდინარეობს.
პარლამენტის თავმჯდომარემ აღნიშნა, რომ ე.წ. ბინუსების სისტემის გაუქმება ვენეციის კომისიის რჩევით მოხდა.
ანა მებურიშვილი