კომენტარი

ევროპას შენთვის ადგილი არ აქვს - ილვესი კობახიძეს

ევროპას შენთვის ადგილი არ აქვს, - ასე მიმართავს ესტონეთის ყოფილი პრეზიდენტი, თომას ჰენდრიკ ილვესი "ქართული ოცნების" თავმჯდომარეს, ირაკლი კობახიძეს. ამ განცხადებით ილვესი კარლ ბილდტზე გაკეთებულ კომენტარებს ეხმაურება:

"როცა ორმოში ხარ, შეწყვიტეთ თხრა. როცა ასე ღრმად ხარ, უბრალოდ გააგრძელე ჩინეთამდე. ევროპას შენთვის ადგილი არ აქვს", - წერს ილვესი.

ცნობისთვის, საქართველოს პრემიერ-მინისტრის განცხადებით, კარლ ბილდტის ცოლის კომპანიას მილიონები აქვს წაღებული „ნაციონალური მოძრაობის“ დროს ბიუჯეტიდან, „დღეს კი გამოდის და გვმოძღვრავს“.

ამასთან, ირაკლი კობახიძის განცხადებით, კარლ ბილდტი „ნაციონალური მოძრაობის“ ერთ-ერთი მთავარი ლობისტი იყო.

„კარლ ბილდტი „აიჭრა“, იმიტომ რომ ღარიბაშვილმა ზუსტად მიზანში მოარტყა! ეს არის ჩვეულებრივი კორუმპირებული კაცი, რაც დადასტურებულია დოკუმენტურად. ჩვეულებრივი კორუმპირებული კაცია, რომელიც „ნაციონალური მოძრაობის“ ერთ-ერთი მთავარი ლობისტი იყო და ქვეყნის დაზიანებაზე აკეთა ფული წლების განმავლობაში“,- განაცხადა კობახიძემ.