მსოფლიო

ევროსაბჭოსთვის არაფერი არ იცვლება - ევროსაბჭო კატალონიის დამოუკიდებლობას არ აღიარებს

ევროსაბჭო კატალონიის დამოუკიდებლობას არ აღიარებს. როგორც ევროსაბჭოს პრეზიდენტმა დონალდ ტუსკმა საკუთარ ტვიტერზე დაწერა, ევროსაბჭო მხოლოდ ესპანეთთან აწარმოებს მოლაპარაკებებს.

„ევროსაბჭოსთვის არაფერი შეცვლილა. ესპანეთი რჩება ჩვენს ერთადერთ მოსაუბრედ. ვიმედოვნებ, ესპანეთის მთავრობა აირჩევს არგუმენტების ძალას და არა ძალის არგუმენტს“, - დაწერა ტუსკმა.

შეგახსენებთ, გუშინ კატალონიის პარლამენტმა დამოუკიდებლობის შესახებ დეკლარაცია დააკმაყოფილა. წინადადებას რეგიონის საკანონმდებლო ორგანოს 70-მა დეპუტატმა დაუჭირა მხარი, 10 წინააღმდეგ წავიდა, 2-მა თავი შეიკავა, ხოლო რამდენიმე პარლამენტარმა კენჭისყრას ბოიკოტი გამოუცხადა.

ამის საპასუხოდ ესპანეთის სენატმა ავტონომიაში ცენტრის პირდაპირი კონტროლი დაამყარა. ხოლო საღამოს მთავრობამ განაცხადა კატალონიის პარლამენტისა და მთავრობის დათხოვნის შესახებ. ესპანეთის პრემიერ-მინისტრმა მარიანო რეხოიმ რეგიონში ახალი არჩევნები 21 დეკემბრისთვის დანიშნა.

ანა მებურიშვილი