საზოგადოება

გაიხსენე საიდან მოხვედი: რიმა ბერაძე-ხათუნა სამნიძეს

თბილისის საკრებულოში, ოთარ აბესაძეს საკითხს კამათი მოჰყვა.

ოპოზიცია მმართველი გუნდი დაადანაშაულა იმაში, რომ მერიაში დაკავებები შერჩევით ხდება.
„უსაფრთხოების სამსახურმა დააკავა ის ადამიანი, რომელიც აქ, ამ საკრებულოში, ამ დარბაზში, არა ერთ შეხვედრაზე იყო „ოცნების“ რუპორი. ეს შემთხვევა კიდევ ერთხელ მოწმობს, რომ მერიაში კორუფციული გარიგებების მიმართულებით უსაფრთხოების სამსახური არის შერჩევითი“,-განაცხადა თბილისის საკრებულოს ფრაქცია „რესპუბლიკელების“ თავმჯდომარემ ხათუნა სამნიძემ.

სამნიძეს, ფრაქცია „ქართული ოცნება - დემოკრატიული საქართველოს“თავმჯდომარემ რიმა ბერაძემ უპასუხა.

„ჩვენ არ ვიცით რა მოხდა, და თუ მოხდა, თქვენგან განსხვავებით, ჩევნს ქვეყანაში უკვე აღარ არსებობს შერჩევითი სამართალი. ვინც არ უნდა იყოს ის, ჩვენი გუნდის წევრი, თუ სხვისი გუნდის წევრი დაისჯება ისე, როგორც უნდა დაისაჯოს. დაველოდოთ შედეგებს. ქალბატონო ხათუნა, რაიკომში მუშაობა ჯობდა ნაციონალურ მოძრაობაში ყოფნას. გაიხსენე საიდან მოხვედი, ძალიან გთხოვ რაა, საიდან მოხვედი გაიხსენე. 2005-2006 წლებში სად იჯექი შენ და შენი ოჯახის წევრები, გაიხსენე“,-მიმართა სამნიძეს რიმა ბერაძემ.

მონიკა დავლიანიძე