საზოგადოება

განათლების, მეცნიერების, კულტურისა და სპორტის მინისტრის თანამდებობას მიხეილ ბატიაშვილი დაიკავებს

საქართველოს განათლების, მეცნიერების, კულტურისა და სპორტის მინისტრის პოსტს მიხეილ ბატიაშვილი დაიკავებს, – განაცხადა საქართველოს პრემიერ-მინისტრმა, მამუკა ბახტაძემ.

„განათლების, მეცნიერების კულტურისა და სპორტის მინისტრის პოსტს დაიკავებს მიხეილ ბატიაშვილი, იგი ძალიან ცნობილი ფიგურაა ჩვენს პროფესიულ წრეებში. მისი მუშაობის გამოცდილება უკავშირდება ბიზნესისა და ტექნოლოგიების უნივერსიტეტის დაარსებას. წლების განმავლობაში გახლავთ ჰარვარდის ბიზნესსკოლის სტრატეგიისა და კონკურენტუნარიანობის ინსტიტუტის წევრი, აქვს მრავალწლიანი წარმატებული თანამშრომლობის გამოცდილება საზღვარგარეთის სამეცნიერო ცენტრებთან.

ჩვენი მთავარი ამოცანა განათლებაში არის ხუთდონიანი რეფორმის განხორციელება, რომელიც გულისხმობს, სკოლამდელი განათლების, სკოლის განათლების, პროფესიული განათლებისა და უმაღლესი განათლების ინტეგრაციას, ინოვაციური განათლების სისტემების დანერგვას და რაც მთავარია განათლებასა და ეკონომიკას შორის მჭიდრო კავშირის ურთიერთბას. ბატიაშილი ჩვენი მხარდაჭერით შეძლებს ამ მნიშვნლეოვანი რეფორმების განხორციელებას განათლების მიმართულებით”, – განაცხადა მამუკა ბახტაძემ.