პოლიტიკა

გაუნათდათ თუ არა გონება მერიაში ბიუჯეტთან დაკავშირებით, 10 დეკემბერს შევიტყობთ - ალექსანდრე ელისაშვილი

საკრებულოს დეპუტატები თბილისის 2017 წლის ბიუჯეტის შესწორებულ პროექტს 10 დეკემბერს ელოდებიან.

როგორც ცნობილია, საკრებულომ 25 ნოემბერს დედაქალაქის მერიას პროექტის შესწორებული ვერსია უკან გადაუგზავნა, თბილისის ხელისუფლებას კი შენიშვნების გამოსასწორებლად ვადა 10 დეკემბრამდე აქვთ.

როგორც საკრებულოს დამოუკიდელმა დეპუტატმა ალექსანდრე ელისაშვილმა საკითხის კომენტირებისას მედიას განუცხადა, გაუნათდათ თუ არა მერიის ჩინოვნიკებს ამჯერად მაინც გონება, ამას საზოგადოება 10 დეკემბერს შეიტყობს.

„იმედს ვიტოვებ, რომ მერია ამჯერად მაინც ადეკვატურად მოიქცევა და ნორმალური ბიუჯეტის პროექტს დააბრუნებს, სადაც ქალაქის პრობლემები იქნება რეალურად ასახული. არა საკუთარი პრობლემების კეთილმოწყობის ზრუნვა იქნება იქ ჩაწერილი, არამედ ქალაქის პრობლემების მოგვარებაზე იქნება ეს ბიუჯეტი. ვნახოთ რა იქნება, გაუნათდათ თუ არა გონება, ამას 10 დეკემბერს შევიტყობთ“,-აღნიშნა ელისაშვილმა.

მონიკა დავლიანიძე