სამართალი

გიორგი გიორგანაშვილის საქმეზე პროცესი სააპელაციო სასამართლოში დღეს განახლდება

ნარკოდანაშაულში ბრალდებულ მსახიობ გიორგი გიორგანაშვილის, იგივე ბახალას საქმეზე პროცესი სააპელაციო სასამართლოში დღეს განახლდება.

დღევანდელ სხდომაზე დაცვის მხარე შესავალი სიტყვით ისარგებლებს. ადვოკატ, გიორგი მახარაძეს იმედი აქვს, რომ სააპელაციო სასამართლო საქალაქო სასამართლოს გადაწყვეტილებას გააბათილებს.

მეორე ინსტანციის სასამართლოში ის განაჩენია გასაჩივრებული, რომლის მიხედვითაც, გიორგანაშვილს განსაკუთრებით დიდი ოდენობით ნარკოტიკული საშუალების შეძენა-შენახვის ბრალდებით 8 წლით თავისუფლების აღკვეთა მიესაჯა.