უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
სამართალი
გლდანში ყოფილმა ქმარმა 4 შვილის დედა მოკლა
გლდანში 40 წლის მირანდა ვაჩეიშვილი ყოფილმა ქმარმა ეჭვიანობის ნიადაგზე მოკლა და მიიმალა. 4 შვილის დედა ელექტროსადენითაა გაგუდული. შემთხვევა თბილისში ორი დღის წინ მოხდა, თუმცა მოკლული ქალის ცხედარს ერთდღიანი ძებნის შემდეგ მიაკვლიეს.
ოჯახის წევრების თქმით, მირანდა ვაჩეიშვილს ყოფილი ქმარი, რომელთანაც რამდენიმე წელია აღარ ცხოვრობდა, გამუდმებით ემუქრებოდა. ოჯახის ინფორმაციით, ვაჩეიშვილმა პოლიციას დახმარებისთვის არერთხელ მიმართა, მის საჩივარს საბურთალოს და გლდანის პოლიცია რამდენჯერმე იძიებდა.
შსს-ს ინფორმაციით, გიორგი ჯანაშვილი ჩატარებული ოპერატიულ-სამძებრო და საგამოძიებო ღონისძიებების შედეგად, მკვლელობის ბრალდებით მომხდარიდან მალევე დააკავეს. დაკავებული დანაშაულს აღიარებს.
გამოძიება განზრახ მკვლელობის მუხლით მიმდინარეობს. ბრალდებულს სასამართლომ წინასწარი პატიმრობა შეუფარდა.
ნინო ექვთიმიშვილი