რეგიონები

გოგი წულაია ქუთაისში ყოფილი ციხის სკვერად გადაკეთებას ითხოვს

პარტია "გაერთიანებული დემოკრატები-თავისუფალი საქართველოს" მერობის კანდიდატი გოგი წულაია ქუთაისში, ყოფილი ციხის სკვერად გადაკეთებას ითხოვს.

მერობის კანდიდატმა დღეს ბრიფინგი პარტიის წევრებთან ერთად გამართა.

როგორც წულაიამ აღნიშნა, შენობა დანგრევის პირასაა, შიგნით კი ანტისანიტარიაა და ქვეწარმავლები მომრავლდნენ, რაც მოსახლეობას საფრთხეს უქმნის.

,,პირადად ჩემი აზრია, რომ დაინგრეს ეს უსახური შენობა და აშენდეს სკვერი, ნიშნად იმისა, რომ ბოროტებაზე იმარჯვებს სიკეთე,"- განაცხადა წულაიამ.

მერობის კანდიდატი ადგილობრივ ხელისუფლებას დროული რეაგირებისკენ მოუწოდებს.

ნინო ექვთიმიშვილი