უკან

უახლესი ამბები

დღის კალენდარი

ანონსები

არქივი

პოლიტიკა

7 ნოემბერი, 2018 15:45
font-size

გრიგოლ ვაშაძე არა ქვეყნის განვითარებას, არამედ 100 000 კაცის გამოყვანასა და ქვეყანაში არეულობას დაწყებას პირდება ხალხს - კახა კალაძე ვაშაძის ინტერვიუზე

„ჩვენ გვაქვს არაორდინალური სიტუაცია, როდესაც პრეზიდენტობის კანდიდატი არა ქვეყნის განვითარებას, არა საკუთარი კონსტიტუციური მოვალეობის პირნათლად შესრულებას, არამედ 100 000 კაცის გამოყვანასა და ქვეყანაში არეულობის დაწყებას ჰპირდება ხალხს“, - ასე შეაფასა თბილისის მერმა კახა კალაძემ გაერთიანებული ოპოზიციის საპრეზიდენტო კანდიდატის გრიგოლ ვაშაძის ინტერვიუს ის ნაწილი, რომელიც ეხებოდა პრეზიდენტის უფლებამოსილებებს.

კალაძის შეფასებით, ვაშაძემ „დოიჩე ველესთან“ ინტერვიუში დაასრულა ერთკვირიანი მასკარადი „ნაციონალური მოძრაობის“ ვითომდა კონსტრუქციულ გეგმებზე.

„მან პრაქტიკულად ჩვენება მისცა „დოიჩე ველეს“ და კვლავ ღიად დააფიქსირა ძალადობრივი რეჟიმის არქიტექტორების უპირობო შეწყალება. ჩვენ გვაქვს არაორდინალური სიტუაცია, როდესაც პრეზიდენტობის კანდიდატი არა ქვეყნის განვითარებას, არა საკუთარი კონსტიტუციური მოვალეობის პირნათლად შესრულებას, არამედ 100 000 კაცის გამოყვანასა და ქვეყანაში არეულობას დაწყებას ჰპირდება ხალხს. ყველასთვის ნათელია, რომ „ნაციონალური მოძრაობის“ ერთადერთი მიზანი ხელისუფლების ძალადობრივი გზით დამხობა და ქართველ ხალხზე შურისძიებაა, რაც დაადასტურა ვაშაძემ საკუთარ ინტერვიუში. დარწმუნებული ვარ, რომ ქართული საზოგადოება კიდევ ერთხელ გასცემს პასუხს 7 ნოემბრის ძალადობრივი რეჟიმის შემოქმედებს. ჩვენი პოლიტიკური გუნდი ქართველ ხალხთან ერთად იქნება იმის გარანტი, რომ საქართველოში არასდროს არ განხორციელდება „ნაციონალური მოძრაობის“ რევანშისტული ზრახვები და არავის არ მივცემთ კანონის ჩარჩოებიდან გასვლის უფლებას“, - განაცხადა კალაძემ.

გრიგოლ ვაშაძემ „დოიჩე ველეს“ რუსულენოვან სამსახურთან ინტერვიუში განაცხადა, რომ გაპრეზიდენტების შემთხვევაში მიხეილ სააკაშვილს შეიწყალებს.

„არ ვაპირებ მარტო მის [სააკაშვილის] შეწყალებას, შევიწყალებ ყველა პოლიტპატიმარს, ყველა მსჯავრდებულ ქალს, რომლებსაც არ ჩაუდენიათ რაღაც ექსტრაორდინალური და რომლებსაც ჰყავთ შვილები. ვაპირებ, ეს სწრაფად გავაკეთო, პირველი 2-3- თვის განმავლობაში. მინდა, როგორც იურისტს, რომ სამართლიანობამ იზეიმოს. და ასეც იქნება.

საქართველოს მესამე პრეზიდენტს მიეცემა უფლება, აქ იცხოვროს. გამოიყენებს თუ არა ამ უფლებას, მასზეა დამოკიდებული. მისი პოლიტიკური მომავალი ქართველ ხალხზეა დამოკიდებული. მაგრამ შესაძლებლობა, იცხოვროს ყვარელში, საკუთარ სახლში - ეს არის ის, რაც ჩვენ მის მიმართ გვმართებს“,-დასძინა ვაშაძემ.

კითხვაზე - საქართველოს მოქმედი კონსტიტუციით პრეზიდენტის როლი საკმაოდ სიმბოლურია. რეალურად მას არანაირი აღმასრულებელი უფლებამოსილება არ აქვს. რატომაა ასეთი მნიშვნელოვანი ეს არჩევნები? - ვაშაძემ უპასუხა, რომ არასწორია, თითქოს პრეზიდენტს საკმარისი უფლებამოსილებები არ აქვს.

„სრული სისულელეა, რომ საქართველოს პრეზიდენტს საკმარისი უფლებამოსილება არ აქვს. პრეზიდენტი მთავარსარდალია, საერთაშორისო ურთიერთობებში ქვეყნის წარმომადგენელია. მას ვეტოს უფლება აქვს, პრემიერ-მინისტრის დამტკიცების უფლებამოსილება აქვს, შეწყალების უფლება აქვს და სხვა კიდევ ბევრი რამე. ვერავინ ვერ შემაკავებს პოლიტიკურ პროცესში მონაწილეობისგან. როდესაც ჩემს 50 ან 100 ათასს თანამოქალაქეს მოვუწოდებ გარეთ გამოსვლისკენ და ისინი ჩემს პროტესტს შემოუერთდებიან, ვინ შეძლებს ამის შეკავებას? უბრალოდ წარმოიდგინეთ ეს", - განაცხადა ვაშაძემ.

საკვანძო სიტყვები:

საქართველოში ტურიზმის მხარდასაჭერად ისრაელის დელეგაცია იმყოფება

18 ივლისი, 2019 , 14:20

„ისრაელის სახლის“ მოწვევით, თბილისს ისრაელის ქნესეთისა და პრემიერ ნეთანიაჰუს პარტიის - ლიქუდის წევრები, აგრეთვე, ბიზნესისა და მედიის წარმომადგენლები სტუმრობენ. 25-კაციან დელეგაციას ქნესეთის მმართველი კოალიციი

თავდაცვის მინისტრი ნატოს გენერალური მდივნის მოადგილის თანაშემწეს შეხვდა

18 ივლისი, 2019 , 11:15

თავდაცვის მინისტრმა, ლევან იზორიამ ოპერაციების საკითხებში ნატოს გენერალური მდივნის მოადგილის თანაშემწეს, ჯონათან პერიშს უმასპინძლა. მხარეებმა ნატო-საქართველოს ურთიერთობის სტრატეგიული ასპექტები და თანამშრომლობის განვითარე

მივესალმები, რაც უფრო მეტი ბიზნესმენი, რაც უფრო მეტი აქტიური ახალგაზრდა შემოვა პოლიტიკაში, უფრო კარგია - ბიძინა ივანიშვილი

17 ივლისი, 2019 , 15:45

მივესალმები, რაც უფრო მეტი ბიზნესმენი, რაც უფრო მეტი აქტიური ახალგაზრდა შემოვა პოლიტიკაში, – ამის შესახებ პარტია „ქართული ოცნების“ თავმჯდომარე ბიძინა ივანიშვილმა ჟურნალისტებს ბათუმში განუცხადა. ბიძინა ი

თეა წულუკიანმა ერაყის დელეგაცია მიიღო

17 ივლისი, 2019 , 12:15

იუსტიციის მინისტრი თეა წულუკიანი ერაყის საგარეო საქმეთა მინისტრის პირველ მოადგილე ნიზარ ისსა აბდულ-ჰადი ალ-ხაირალას შეხვდა. შეხვედრა იუსტიციის სამინისტროში იუსტიციის მინისტრის ინიციატივით გაიმართა და მას მინისტრის მოადგი

„ღრმა პოლიტიკურ კრიზისს, მძიმე ეკონომიკური კრიზისის საფრთხე ემატება“ - გიორგი ვაშაძემ ხუთპუნქტიანი ანტიკრიზისული გეგმა წარადგინა

16 ივლისი, 2019 , 15:30

"ახალი საქართველოს" ლიდერმა, მძაფრი კრიზისული მდგომარეობიდან გამოსვლის 5 პუნქტიან გეგმა წარადგინა. გიორგი ვაშაძემ იმ ინიციატივებზე ისაუბრა, რომლის წარმატებით განხორციელების შემთხვევაშიც საქართველო დაძლევს ეკონომიკურ კრიზ

საპროცედურო საკითხთა კომიტეტმა ზაქარია ქუცნაშვილისთვის სადეპუტატო უფლებამოსილების ვადაზე ადრე შეწყვეტის საკითხს ერთხმად დაუჭირა მხარი

16 ივლისი, 2019 , 15:10

პარლამენტის საპროცედურო საკითხთა და წესების კომიტეტმა ზაქარია ქუცნაშვილისთვის სადეპუტატო უფლებამოსილების ვადაზე ადრე შეწყვეტის საკითხს ერთხმად დაუჭირა მხარი. საბოლოო გადაწყვეტილებას კი პარლამენტი, დადგენილებით მიიღებს. რ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს