არქივი
პოლიტიკა
გრიგოლ ვაშაძის მხარდასაჭერად ფილარმონიაში ზაზა სარალიძე და მალხაზ მაჩალიკაშვილი მივიდნენ
გაერთიანებული ოპოზიციის კანდიდატი გრიგოლ ვაშაძე ფილარმონიის დიდ საკონცერტო დარბაზში მხარდამჭერებთან შეხვედრას მართავს.
შეხვედრაზე საპრეზიდენტო კანდიდატის მხარდასაჭერად ხორავას ქუჩაზე მოკლული ერთ-ერთი მოზარდის მამა ზაზა სარალიძე და პანკისის სპეცოპერაციისას დაჭრილი და შემდეგ გარდაცვლილი თემირლან მაჩალიკაშვილის მამა მალხაზ მაჩალიკაშვილი მივიდნენ.
"ვფიქრობდი, ამ ხელისუფლებაში ერთი ადამიანი მაინც გამოჩნდებოდა ქართული სულის, ქართული გულის და მეტყოდა რამე დამამშვიდებელ სიტყვას. მე ტერორისტი შვილი არ გამიზრდია, მე დიდი სიყვარულით და დიდი წვალებით გავზარდე თემირლანი, მაგრამ ვითომ უსაფრთხოების სამსახურმა ამ ყველაფერს წერტილი დაუსვა და ამომწყვიტა დედაბუდიანად. მე ეს ხელისუფლება არ მინდა და არიან ადამიანები, ვისაც არ უნდა ასეთი სისხლიანი ხელისუფლება. ძალა ერთობაშია! "- თქვა მალხაზ მაჩალიკაშვილმა ვაშაძის მხარდამჭერებთან შეხვედრაზე, სიტყვით გამოსვლის დროს.