პოლიტიკა

გულწრფელი ადამიანები გამოყენებული იქნა გარკვეული მიზნებისთვის და დესტაბილიზაციისთვის - ზაზა ოქუაშვილი

ბათუმში მიმდინარე მოვლენებს ეხმაურება აჭარის უმაღლესი საბჭოს დეპუტატი ზაზა ოქუაშვილი. მისი განცხადებით, საზოგადოებამ გუშინ გვიან ღამით რაც იხილა, იყო უმძიმესი სურათი და აუცილებელია სამართალდამცავმა ორგანოებმა შეისწავლონ და დეტალურად გამოიკვლიონ, თუ რა იყო მომხდარის მიზეზი და იყო თუ არა პროცესი მართული.

„არ უნდა მიეცეს საშუალება არცერთ ძალას, ეს იქნება პოლიტიკური თუ სხვა, გულწრფელი ადამიანების გულწრფელი ემოციები გამოიყენოს. უნდა მოხდეს გამოძიება, უნდა დადგინდეს პირები ვინც ეცადა, შეიძლება მართლა გულწრეფელი პროტესტი, სამართლიანი იყო თუ არასამართლიანი, გამოეყენებინა.

მე დავინახე , რომ გულწრფელი ადამიანები გამოყენებული იქნა გარკვეული მიზნებისთვის და დესტაბილიზაციისთვის, რაც ჩვენთვის მიუღებელია. კანონმა უნდა იკანონოს,“ - განაცხადა ზაზა ოქუაშვილმა.