უახლესი ამბები
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
- 23.04.2024 08:21აშშ-ის სახელმწიფო დეპარტამენტმა საქართველოში ადამიანის უფლებების შესახებ 2023 წლის ანგარიში გამოაქვეყნა
არქივი
რეგიონები
გურჯაანში საარჩევნო კაბინიდან გამოსულ ამომრჩევლებს უმოწმებენ საარჩევნო ბიულეტენში თუ რომელი კანდიდატი აქვთ შემოხაზული - მიხეილ ბენიძე
"სამართლიანი არჩევნები”ამ დროისთვის დაფიქსირებულ ერთ-ერთ მთავარ დარღვევად კენჭისყრის ფარულობის დარღვევას ასახელებს.
ორგანიზაციის აღმასრულებელი მდივნის, მიხეილ ბენიძის განცხადებით, ხმის მიცემის ფარულობის დარღვევების ფაქტები დაფიქსირდა გურჯაანში, #26 საარჩევნო უბანზე.
„გურჯაანის საარჩევნო ოლქის #26 საარჩევნო უბანზე "ქართული ოცნების" წარმომადგენლები ლელა შანყულაშვილი და ზურაბ ხანდამაშვილი, რომელიც მერის ძმა არის, საარჩევნო კაბინიდან გამოსულ ამომრჩევლებს უმოწმებენ საარჩევნო ბიულეტენში თუ რომელი კანდიდატი აქვთ შემოხაზული. აღნიშნული ფაქტის გაპროტესტების შემდგომ "ერთიანი ნაციონალური მოძრაობის" წარმომადგენელი უბნიდან გააძევეს,“-განაცხადა მიხეილ ბენიძემ.
მისივე თქმით, აღნიშნული პირები ერევიან საუბნო კომისიის მუშაობაში და კომისიის თავმჯდომარეს აძლევენ კონკრეტულ მითითებებს.
ბენიძის ინფორმაციითვე, დარღვევები დააფიქსირეს „სამართლიანი არჩევნების“ დამკვირვებლებმა გურჯაანის #43 უბანზე, სადაც ამომრჩეველი ხმას აძლევს საარჩევნო კაბინაში შეუსვლელად. გარდა ამისა, საარჩევნო ბიულეტენები გამოაქვთ ისე, რომ გაირკვეს ვის მისცეს ხმა.
მსგავსი ფაქტი დაფიქსირდა ტყიბულშიც, სადაც #2 საარჩევნო უბანზე ამომრჩეველმა ხმა მისცა კაბინის გარეთ. გარდა ამისა დარღვევები დაფიქსირდა ტყიბულის #55 უბანზე.
„#55 უბანზე იმყოფებოდა პოლიციელი ფორმით, რომელიც არ იყო ამომრჩეველი და არ ჰქონდა უბანზე ყოფნის უფლება. აღნიშნული პირი უბნის ტერიტორიაზე მობილური ტელეფონით იღებდა ფოტოსურათებს,“-განაცხადა მიხელ ბენიძემ.
მონაცემები, რომელიც სამართლიანმა არჩევნებმა წარმოადგინა, 11 საათისთვის დაფიქსირებულ დარღვევებს ასახავს.