კომენტარი

გუშინ ამომრჩეველმა 2-იანი დაუწერა „ქართულ ოცნებას“ - ანა დოლიძე

იუსტიციის საბჭოს არამოსამართლე წევრმა ანა დოლიძემ საპრეზიდენტო არჩევნების წინასწარი შედეგების კომენტირებისას განაცხადა, რომ მოსახლეობამ მმართველ პარტიას 2-იანი დაუწერა დაშვებული შეცდომებისთვის.

„გუშინ ამომრჩეველმა 2-იანი დაუწერა და საშემოდგომო გამოაყოლა „ქართულ ოცნებას“ ზაზა სარალიძის ტკივილისთვის, ვანო ზარდიაშვილის მორალისთვის, აფგან მუხთარლის თბილისიდან გაქრობისთვის, 2008 წლის ომის ჩვენთვის დაბრალებისთვის, მურუსიძის სამართლისთვის, გაღარიბებისთვის და გამდიდრებული ბანკებისთვის, 400-ლარიანი მონური სამსახურებისთვის, მიშვებული პროკურატურისთვის, უღირსი სიბერისთვის, განათლების მაგივრად კანაფის პოპულარიზაციისთვის, თეა წულუკიანის სარკაზმისთვის, სესიაშვილის სასახლისთვის, საკუთარი ბანკირების მინისტრებად დანიშვნისთვის, უმუშევრობისა და აყვავებული ნეპოტიზმისთვის, კობახიძის თავხედობისთვის. წადით ახლა, გადაშალეთ მათემატიკის წიგნი, ციფრებს დახედეთ და იმეცადინეთ“, - დაწერა დოლიძემ ფეისბუკის საკუთარ გვერდზე.